Proqram haqqında
“Skill Sprint” dərsləri təcrübəli fərdlərin biliklərini artırmaq, həmçinin müəyyən sahədə sıfırdan yeni bacarıqlar əldə etməyi arzulayanlar üçün hazırlanmış intensiv dərslərdən ibarətdir. Bu unikal tədris proqramı 2-3 gündən ibarət müddət ərzində 8 və 12 saat arasında dəyişən intensiv dərslər təqdim edərək tələbələrin sürətli və effektiv inkişafa nail olmalarını təmin edir.
Proqramımızın təməlində iştirakçıların kreativ bacarıqlarını maksimum səviyyədə inkişaf etdirmələri üçün nəzərdə tutulmuş seminarlar və master-klaslar dayanır. Bu dərslər yaradıcı düşüncə tərzi, problem həlletmə bacarıqları və innovativ yanaşmaları təşviq edərək iştirakçıların qısa müddətdə mühüm biliklərə yiyələnməsini hədəfləyir. İştirakçılar bu müddət ərzində tamamilə dərslərə fokuslanaraq intensiv öyrənmə və öyrənilənləri tətbiqetmə təcrübəsi yaşayacaqlar.
“Skill Sprint” dərs modeli öz sahəsində kifayət qədər təcrübəyə sahib yerli, eləcə də xarici təlimçilərlə əhatələnib. Müəllimlərimizin rəhbərliyində iştirakçılar sektordakı ən yeni bilikləri, trendləri və texnikaları öyrənəcək, beləcə, qısa zaman ərzində bacarıqlarını yüksək səviyyədə artıracaqlar.
