Videoqrafiya
Fotoqrafiya şəkil çəkməkdirsə, videoqrafiya da ardıcıl düzülmüş hərəkətli şəkillər vasitəsilə hisslərin, düşüncələrin, hekayələrin ötürülmə üsuludur. Telefonumuzun kamerası ilə gündəlik həyatımızın müxtəlif anlarını lentə almaq belə videoqrafiyanın bir parçasıdır. Təbii ki, bu sahədə sadəcə video çəkə bilmək də bəs etmir. Daha sonra biz çəkdiyimiz video üzərində işləyir, onu film, televiziya, hətta tədbirlərin belə ən gəlirli və önəmli hissəsinə çeviririk. Keçmişdə keyfiyyətli materialın alınması üçün xeyli resursa ehtiyacın olduğu bu sahədə işləmək texnologiyanın inkişafı ilə, başqa sözlə desək, sərfəli avadanlıqlar, hətta cibimizdəki telefonlarla artıq daha əlçatandır.
Hər kəsin telefon vasitəsilə keyfiyyətli görüntülər əldə etdiyi, insanların sosial mediada gəlir qazandığı videoqrafiya sahəsində daha geniş biliklərə sahib olmaq, ortaya daha keyfiyyətli iş çıxarmaq sizə rəqiblərinizdən fərqlənməyə kömək edir. Professional təcrübə və biliklər əldə edəcəyiniz “Videoqrafiya” kursumuzu bitirdikdən sonra nəinki öz məzmunlarınızı hazırlayacaq, həm də buradan qazanc əldə edəcəksiniz. Kursumuz aşağıdakı şəxslər də daxil olmaqla, hər kəs üçündür:
Videoqrafiyanın yaradıcılıqda əhəmiyyəti, müxtəlif növ kameralar, avadanlıqlar və onların xüsusiyyətləri ilə tanışlıq
Cəlbedici hekayələr yaratmaq, hekayə strukturu haqqında
Hissləri doğru şəkildə ötürə bilən rakurslar və rənglər əldə etmək, fikirləri olduğu kimi çatdırmaq
Sadəcə video çəkməyi yox, həm də işimizi peşəkarcasına görmək üçün müxtəlif ssenarilər əsasında işıqlandırmanı da öyrənəcəyik.
“Premiere Pro”, “After Effects” proqramlarından istifadə edərək xəyalınızdakı hekayənin vizuala köçürülməsi
Hekayənin hisslərini çatdırmaqda kömək edən əsas amillərdən biri də səsdir. Mükəmməl səs dizaynı görüntü olmadan da hekayənizi rahatlıqla çatdıra bilər.
Hekayənin qəmli, xoşbəxt, ya da qorxulu olduğunu izah etmək üçün rənglərin köməyindən istifadə
Müştərinin nə istədiyini başa düşmək bəzən çətin ola bilir, xüsusilə də, hazır materialın üzərində dəyişiklik etmək lazım olduqda. Biz kiçik montaj texnikaları ilə layihəni asanlıqla müştərinin istədiyi formaya salmağı da öyrənəcəyik.
Video hazırdır, amma hansı platforma, eləcə də hansı müştəri üçün necə render etməli olduğumuzu “codec”lərin köməyi ilə öyrənəcəyik.
Yüksək keyfiyyətdə hazırladığınız videoları saxlamaq üçün cihazda kifayət qədər yer yoxdursa, sıxışdırma texnikaları ilə görüntünün keyfiyyətini pozmadan daha kiçik ölçüdə saxlaya bilərik.
"Videoqrafiya" proqramı üzrə müəllimimiz 2012-ci ildən bəri bu sahədə ixtisaslaşan Nihad Əliyevdir. O, videoqrafiya sahəsində bir çox yerli və xarici şirkətlər, brendlər, hətta BMT və “Netflix” ilə əməkdaşlıq edərək əldə etdiyi təcrübəni, bilik və bacarıqlarını tələbələrlə bölüşəcək.
Karyeranızı sıfırdan qurun, öz qəhrəmanınıza çevrilin!
