Effektiv Təqdimat: İdeyadan Dizayna
Hazırkı dövrdə informasiya texnologiyaları və sürətli məlumat bölgüsü məişət və iş həyatımızın mərkəzindədir. Davamlı olaraq informasiya qəbul edir və onu digərlərinə ötürürük. Bu məlumat alış-verişi, başqa bir sözlə, kommunikasiya vasitələrinindən biri olan vizual təqdimatdır. Vizual təqdimatlar müxtəlif adlandırmalarla bütün sahələrdə (biznes və ya qeyri-biznes) istifadə edilir. Məlumat mübadiləsini effektiv etmək üçün təqdimatlar struktur və vizual qaydalara uyğun hazırlanmalıdır. Peşəkar Təqdimat Dizaynı (PTD) təlim proqramında vizual təqdimatlara professional və praktiki yanaşmanı öyrənəcək və biliklərimizi tətbiq edəcəyik.
PTD proqramına qoşulan iştirakçılar effektiv və yaddaqalan təqdimat hazırlamaq üçün əsas bacarıqlara yiyələnəcəklər. Bu proqram həm peşəkar mühitdə təqdimat bacarıqlarını artırmaq, həm də təlimçi və müəllim kimi öyrətmə metodlarını təkmilləşdirmək üçün olduqca faydalıdır. Tədris, həmçinin tələbə olaraq, akademik və karyera yolunda uğur əldə etmək üçün əhatəli yanaşma təklif edir.
Tədris boyunca nümunələr “PowerPoint” proqramında təqdim ediləcək. Lakin iştirakçılar istənilən vizual təqdimat proqramından (Google Slides, Keynote, Prezi və s.) istifadə edə bilərlər. Həmçinin bəzi hallarda “Google Sheets” və “Excel” üzərində də çalışmalar aparılacaq.
Vizual Təqdimat haqqında, növləri və istifadə yerləri
Tipoqrafikanın önəmi; şriftləri tanıyaq; şriftlərin istifadəsi ilə “UX” prinsipləri
Təqdimatlarda rənglər; rəng standartı; rəng nəzəriyyəsi; rəng palitrası; rəng fəlsəfəsi
Vizuallarla bağlı 4 qayda; foto/video resurslar; mətn və vizualların birgə istifadəsi; foto məzmunun redaktə edilməsi və manipulyasiya; ikon və simvollar
Slayd strukturu “McKinsey” və “BCG” standartları; slaydda kontrast; təqdimatda məlumatın məntiqi axışı; slaydda bütövlük; yönləndirmə və şəbəkələrlə iş; elementlərin yaxınlığı yanaşması; boş sahənin istifadəsi
Geştalt prinsipinin verilənlərin vizuallaşmasında tətbiqi; verilənlərin vizuallaşmasında; pareto qaydası; müxtəlif növ qrafiklər və onların istifadəsi; elektron cədvəllərində verilənlərin vizuallaşması funksiyaları; verilənlərin vizuallaşması = kommunikasiya vasitəsi
Animasiya və keçidlərin təqdimatda istifadəsi; animasiya kateqoriyaları; təqdimatlarda peşəkar animasiya effektləri (“Parallax”, “Morph”, “Ken Burns” və s.)
Şəkil və yazı kombinasiyaları; təqdimat taktikaları; təqdimat ideyaları; uğurlu və uğursuz slaydların analizi; süni intellektin təqdimat dizaynına gətirdiyi yeniliklər
Öyrəndiklərimizin tətbiqi; trendə uyğun təqdimat nümunələrinin hazırlanması (vorkşoplar)
Şahin Şəkərli vizual təqdimatların hazırlanması üzrə 10 ildən çox təcrübəyə malikdir. Bu sahədə müxtəlif sahələrdə yerli və xarici müştəri seqmentləri üçün təqdimatlar hazırlamış və praktikasını genişləndirmişdir.
Karyeranızı sıfırdan qurun, öz qəhrəmanınıza çevrilin!
